Mdogo wa FID Q atoka na Album ya Gospel.....!

Fareed Kubanda 'Fid Q' kaka wa Yohana Kubanda akiperform ktk moja ya shows zake

MSANII wa muziki Yohana Kubanda, ameachia albamu yake mpya ya nyimbo za injili inayokwenda kwa jina la Raha ya Bwana.Akizungumza na gazeti hili, Kubanda ambaye pia ni mdogo wake msanii wa Hip Hop nchini, Farid Kubanda 'Fid Q' alisema hiyo ni albamu yake ya kwanza ya nyimbo za dini.

Amesema kwa sasa ameamua kuhamia katika muziki wa injili baada ya kuona muziki wa bongo fleva hauna manufaa kwake na tayari albamu yake hiyo ambayo ina jumla ya nyimbo saba alizorekodia katika studio ya Cherich iliyopo Mkoani Singida.

Amesema ameamua kuhamia katika muziki wa injili baada ya kuona maasi yamezidi hivyo atumie nafasi ya kuimba nyimbo hizo ili kutoa ujumbe wake.
Kubanda ambaye pia ni mwimbaji wa kwaya katika kanisa la Parokia ya Jimbo la Singida la Moyo Mtakatifu wa Yesu, anasema anakabiliwa na ukata wa fedha kwani malengo yake ni kuingiza albamu hiyo kwenye video.
Ametoa wito kwa wadau mbalimbali wa muziki wa injili kujitokeza kwa ajili ya kumsaidia ili aweze kufikia malengo aliyojiwekea.

Nyimbo zilizopo katika albamu Hio ni Dunia, Nakupenda Bwana, Pokea Sifa, Mungu Wangu, Yesu Ndio Mwamba, Raha ya Moyo, Nishike Mkono.

Tumsifu Mungu wadau!!!!!